世界波：積極洗底減產爭仔

近日鬧到滿城風雨嘅藝人離婚事件，相信未來最受人關注嘅就係兒子撫養權問題，脫星Nikki Benz都遇上同一問題，佢為咗同前夫爭奪囝囝撫養權，不但戒蒲，更決定減產，即使收入大減，為咗囝囝亦在所不計。

據Nikki身邊好友透露，近期阿妹戒晒所有夜蒲，更戒晒平時食仔唔抹嘴嘅本色，以及減產一半，目的係想洗底，誓要營造一個好媽媽形象，將囝囝爭到手。

着緊囝囝

當年阿妹同老公奉子成婚，點知婚後唔夠一年就離婚，阿妹坦言對呢段婚姻唔太留戀，但係最着緊囝囝，所以點都要爭奪囝囝嘅撫養權。Nikki話：「其實我係個唔適合結婚嘅女人，一來我唔係好享受家庭生活，二來又唔鍾意畀人管，嗰次因為飲大咗，無做到安全措施，結果搞出人命，我先決定結婚，雖然最終離婚收場，但我一啲都唔介意，最重要係爭番個仔嘅撫養權就得喇 !」

改變生活

Nikki嘅前夫係圈外人，有一份正當職業，對於爭取撫養權，贏面自然高佢好多，事關法官最重要考慮父母嘅職業背景。阿妹話：「大部分人都戴有色眼鏡睇脫星，因此呢方面我會比較輸蝕，所以依家積極改變生活，為咗囝囝，我唔再夜蒲、唔再溝仔，不過完全唔拍四仔就無收入，所以最多係減產，同埋揀戲拍，暫時只接拍一啲唯美題材嘅四仔囉！」

作品推介

碟名：《Babysitters》

內容：呢套四仔開正Nikki嘅戲路，佢飾演美麗又好色嘅保母，日間湊細路仔，夜晚就上床逗男主人開心，鬼咁淫蕩。

Nikki Benz's Profile

三圍：34D-25-34

身高：5呎6吋

年齡：28歲