美國人有性福
久唔久就會有關於港人嘅性愛滿足度調查報告發表，結果通常都係滿足度偏低。好多港人都表示生活艱難，日做夜做，工作壓力大，搞到冇晒性趣，即使有精力同伴侶上床，但係戰鬥力減弱，幾分鐘就完事，令伴侶未能獲得滿足。不過，美國人就唔同喇，佢哋無論生活幾咁艱難都好，對性事依然興致勃勃，熱衷做愛。
美國受到金融海嘯影響後，家陣依然處於經濟調整當中，生活唔好得過我哋好多。但係早前一個安全套品牌於美國進行全國性生活調查，結果發現大部分美國人都認為性生活滿足。據調查表示，每一個成年美國人平均一年做愛120次，即一星期約為2.3次。另外，有76%嘅受訪者表示滿足現時嘅性生活狀況，同時有63%受訪者話希望增加做愛次數，提升滿足度。如果大家想好似美國人咁有性福，就應該放鬆自己，盡情同伴侶好好享受魚水之歡喇！