聰明狗
小玲係一名愛狗人士，最近養咗一隻叫做小肥嘅狗，為咗令小肥更加乖巧聽話，小玲成日都會訓練小肥做不同動作，最後仲訓練到小肥唔單止可以憑嗅覺搵嘢，仲訓練到小肥一睇到小玲嘅動作，就了解當中意思。
某一晚，小玲隔籬屋突然失火，沖緊涼嘅小玲嚇到連衫褲都未着，就拖住小肥離開現場。落到街之後，小玲至驚覺自己一絲不掛。雖然眾街坊都知道事出突然，冇笑小玲露體，但小玲為免尷尬，梗係想搵條底褲着一着啦。但係樓上火勢猛烈，點算好呢？
小肥可能察覺到小玲嘅難處，於是不斷搖頭擺尾，示意想返屋企幫忙。呢個時候，感動嘅小玲就指一指胯下。小肥見到之後，飛身撲返屋企。過咗一陣，小玲終於見到小肥平安歸來，但係就發現，小肥口中咬住嘅唔係底褲，而係一支小玲平時成日用嘅震棒！