長舌男生性風流
女人長舌就愛講是非，但原來男人長舌，喺相學上嚟講，卻係大吉之相。書云：「引至鼻者，位列王侯」，即係話如果條脷可以向上伸到掂到鼻哥，咁佢就有機會名成利就，飛黃騰達，家陣冇得封侯拜相，但就會喺自己行業中，成為最頂尖嘅人物。
由於身份顯赫，中年左右就會名成利就，所以身旁美女不少，因此大多數都風流成性，沒有一個固定女伴。而性能力方面，佢哋自有過人之處，令女性為佢哋迷倒，但就係無法安定落嚟，唔到40、50歲都休想佢哋肯乖乖結婚，做佢哋女友真係有排等。
房事上佢哋閱人無數，而且天生異稟，所以床上功夫自有秘技，一係唔使出，一經使出，相信冇乜異性可以唔畀佢哋迷倒，自此心甘命抵咁等佢哋再施甘露，但由於身邊囡囡太多，一年輪到一次都好唔錯，所以若想嫁入豪門，遇到呢種男人真係要諗諗。