股畫蝴蝶
勁言係個以畫蝴蝶著稱嘅畫家，但有件事好奇怪，就係佢所教嘅學生，冇個可以畫到佢咁神似。索女美華係勁言嘅學生，佢走去問勁言箇中原因，勁言笑道：「工多藝熟，只有苦練，至有成績。」其實美華都下過好多苦功，但係都冇辦法畫得到呢個境界，美華心諗：「佢應該收埋咗啲技巧唔傳授畀我。」美華為咗改善畫功，決定色誘勁言。勁言抵受唔住引誘，有晚佢同咗美華上床。美華半夜起身，發覺勁言唔喺隔籬間房，就估佢去咗畫畫。果然不出所料，全身赤裸嘅勁言，正將顏料油滿臀部，然後坐喺畫紙度，一隻蝴蝶就咁完成！美華知道呢個就係秘訣，決定照辦煮碗，第二日就拎作品畀勁言睇。勁言睇完後，就笑道：「唔錯！幾好！不過點解隻蝴蝶冇咗個頭嘅呢？」