菱形面 長年守齋
好多女孩子都想自己下巴尖尖，但原來下巴尖尖未必一定靚，仲要配埋額角嘅形狀先得，例如額角圓配尖下巴，就係瓜子面，係公認嘅美人胚子；但如果額角尖，配成菱形面，咁就認真麻麻，會畀人營養不良嘅感覺，而且本身性格亦會比較傲慢、自私同埋冇責任感。
聽落好似冇樣好嘢，但佢哋嘅優點就係毅力驚人，由於身邊冇貴人、冇朋友，所以好多事都要獨力處理，令佢哋變得適應能力強，丟佢哋去荒島生活都一定唔會餓死。感情上唔係咁易相信人，成日疑神疑鬼，如果早婚，30歲左右多數會離異，感情運差。
而喺性事方面會十分極端，一係十年都唔開齋，一開齋就晚晚都要，相信冇乜男人會頂得順，所以婚姻生活唔會美滿，子嗣不多，晚年大多數都係孤苦無依。所以最好就係用劉海遮住額頂，中年後將自己養肥啲，等下巴冇咁尖，情況話唔定會有好轉。