世界波：姣擒老細搶攻上位

其實做脫星嘅壓力都好大，因為競爭劇烈，年年都有新人出，如果做咗幾年仍然未上位的話，好大機會畀新人淘汰，所以McKenzie Lee決定以另類方法，令自己快啲上位，就係姣擒老細，希望可以多啲機會接大片。

四仔嘅製作同普通電影嘅製作其實都係大同小異，一樣有分等級，不過所有大片都會搵有名氣嘅脫星做女主角，而喺行內半紅不黑嘅，就只可以拍啲低質素四仔，好容易愈拍愈霉、愈拍愈Cheap。

愈拍愈爛

McKenzie入行3年，仍然處於半紅不黑階段，其實佢身材同樣貌都唔差，但就係紅唔起，於是佢把心一橫，使出另類撒手鐧。McKenzie話：「我已經撈咗3年，如果再係咁落去，只會愈拍愈爛，搵得愈嚟愈少錢，所以我想盡辦法勾引片商，希望可以搵到一、兩個有勢力嘅大老闆幫吓我，就算紅唔起，都可以多啲機會拍大片，唔使愈拍愈爛吖！」

轉行做情婦

阿妹主動出擊之下，畀佢識咗DP四仔公司嘅其中一個老闆，兩人打得火熱，老闆仲話出年開3部大型製作四仔畀佢做女主角添！「雖然佢張支票要出年先至兌現，不過我已經好開心，證明自己嘅方法真係行得通，起碼唔使坐以待斃先啦！出年係我事業嘅搏殺年，我已經做好心理準備，如果再唔得嘅話，我就決定轉行做情婦算喇！」

作品推介：《Prison》

內容：成套女子監獄風雲一樣，暴力與色情睇到人慶合合，所有女子監犯都好似色中餓鬼一樣，見到男人就擒。

MCKenzie Lee's Profile

三圍：33C-25-33

身高：5呎7吋

年齡：26歲