奇聞趣事：貼士
服務性行業靠貼士打賞幫補生計，不過本地有幾多玩家會畀貼士囡囡？如果畀，又會畀幾多呢？有夜場囡囡對我雞蟲熹表示，近3年來，十個客都冇一個會主動畀貼士，就算畀都係頂多$100。
「呢3年嚟收過最多嘅貼士，係一個贏咗波嘅賭客，喺埋單嗰陣醒咗$500畀我，我差啲開心到流眼淚呀！」問心，呢位夜場PR質素唔曳，算係夜場紅牌，若然佢講嘅係真的話，都真係少得可憐。連媽咪都話：「我做媽咪賺貼士仲多過佢哋，熟客揀到心水囡囡，都會自動醒$100、$200啦，一晚十台客，要執過千唔難！」
夜場囡囡話悲，原來鳳姐都唔見得好，多位鳳姐老行尊表示，對貼士呢兩個字已經唔記得點寫，皆因生客唔會主動畀，熟客就恃熟賣熟：「如果$20、$30茶錢都叫貼士，咁我每日收檔都要還神囉！老實講，啲客唔開聲叫我畀個折頭佢都執到啦，仲講貼士喎！大家都係陪瞓，點解馬交同內地妹都比我哋好呢？」我都想知點解。
雞蟲熹Profile
o係色慾界打滾多年o既色途老馬，晚晚都出去蒲，口頭禪係唔滾唔知身體好。
歡迎讀者爆料交流
爆料熱線：3600 6688
傳真：3600 6800
地址：香港大埔工業邨大昌街23號東方報業中心
電郵：happy.sup@org.com.hk