怒肉男脾氣火爆
眼角位置生有一小粒紅肉，相學稱為「怒肉」，如果男性怒肉飽滿，脹卜卜咁，唔使講佢嘅脾氣一定好大，好易扯火，但當佢哋冷靜落嚟嘅時候，就會好有頭腦，處事計劃周詳，相書仲話即使佢哋平日幾咁機智，但一扯火就欠缺冷靜，經常無端闖禍，而且身體嘅心肺系統容易出問題。
感情方面，當佢平靜嘅時候，不失風趣幽默，係一個好情人，但如果一發脾氣，咁就親如老婆都冇情講，所以做呢啲男人嘅女朋友，要小心佢哋嘅爆炸位，千祈咪引爆，如果係其他人或事搞到佢扯火，就最好翹埋雙手唔好理。
其實佢哋發完脾氣，就自然會冷靜落嚟，到時你點教訓佢哋都得，但當佢哋發緊癲嘅時候，隨時連你都鬧埋一份。
佢哋床上表現好出色，因為性愛係佢哋減壓嘅最佳方法，所以佢哋特別享受性愛，希望自己同伴侶都得到快感同歡娛。