奇聞趣事:好心有好報

鳳姐都係人,佢哋都有自己嘅私人生活,我哋做客人嘅,平時真係好少機會參與。好似我嘅舊相好阿麗,佢個細佬最近結婚,身為大姑奶,當然要去飲佢餐喜酒,估唔到會拉埋我去,話有個男人坐喺身邊壯膽冇咁驚。

事關佢三年前離婚後,都冇乜同屋企人來往,更冇人知道佢做咗鳳姐,如果佢單拖去飲,一定會畀啲姨媽姑姐問東問西,但搵個男人一齊去,啲八婆親戚就唔會多多事實,當晚除咗飲茶同影相,我哋全程坐埋一齊,真係冇人敢走嚟煩住阿麗。

有老友話陪囡囡去飲喜酒,咪要賀人情?我只畀咗四百蚊阿麗,佢實際畀幾多我就唔知,但身為大姑奶,兩三千蚊應該唔少得,我就當去食餐飯,飲飽食醉,返到阿麗香閨,我仲可以留宿過夜,梅花雙弄,斗零都唔使畀,所以幫人有好報係真!

皮哥Profile

線眼遍布港九新界,有料就去八,有蠱惑收王之稱,人生目標係八盡天下事。

歡迎讀者爆料交流

爆料熱線:3600 6688

傳真:3600 6800

地址:香港大埔工業邨大昌街23號東方報業中心

電郵:happy.sup@org.com.hk

皮哥