上鹹網咪過火

無論有幾唔得閒，小弟每日一定花至少兩、三個鐘，瀏覽成人網頁及三仔、四仔，一方面為工作，另一方面就係呢個習慣已經有成10幾年，日日唔睇唔安樂！不過，最近美國四仔上癮支援中心（Help Porn Addiction）整咗一份調查報告，睇過專家意見之後，我諗以後都係要少睇為妙。

冷落伴侶

報告邀請咗有睇成人資訊習慣嘅男女各一千名協助進行，發現男士用於欣賞成人雜誌、四仔以及鹹網嘅平均時間為每周40分鐘，一年大約有35個小時，當中仲有六分之一嘅男士表示睇到上癮；女士方面亦唔弱，平均每周會用19分鐘睇成人資訊。可能好多人覺得閒時睇吓鹹碟、鹹書同鹹網只係個人興趣，不過負責調查嘅Chris Forester博士表示，受訪嘅男士當中有一半長期沉迷於成人資訊，會令佢哋覺得唔開心，博士仲話好多男士花於欣賞成人資訊嘅時間，比起陪伴侶嘅時間仲多，令彼此感情愈來愈淡，呢班男士仲會漸漸覺得無助及孤獨。睇嚟凡事要適可而止，唔想影響日常心情及伴侶嘅關係，都係唔好太沉迷喇！