做足一日
肥牛人到中年，以往一晚三御嘅精力已不復再，令肥牛覺得自卑之餘，又怕唔能夠滿足老婆阿妙，畀佢有藉口出去勾佬，於是就四出託朋友尋找強力壯陽藥補一補。經過一輪張羅之後，肥牛終於搵到一款聲稱安全可靠又夠猛嘅壯陽藥嚟食。
食完壯陽藥之後嘅大清早，阿妙就問肥牛：「今朝我哋去邊度食早餐好呢？去小丑快餐好唔好？」肥牛就答：「可能係啲壯陽藥嘅作用，令我冇乜胃口。」到咗中午，阿妙又問肥牛：「我哋去邊度食午餐好呀？」肥牛又話：「我仲係冇乜胃口喎！」到夜晚，阿妙又問：「老公！我哋去邊度食晚飯呀？」肥牛又再重複中午時嘅答案。今次阿妙終於忍唔住話：「你唔食就算，但你唔好再『埋頭苦幹』，畀我去食飯啦，我餓咗成日喇！」