白鴿眼生活淫亂
大家實聽過「白鴿眼」一詞，因為白鴿眼生得高，寓意睇唔起人咁解。而相學上嘅白鴿眼，原來係指一個人自視甚高，兼且性格浮躁，遇上少少唔開心都會發爛渣，最重要就係為人虛偽又貪心，真係乜嘢衰嘢都齊晒。
呢種人千祈咪畀佢話到事，事關只要攞到少少權，佢哋就會作威作福，做出一啲損人不利己嘅事。愛情上亦一樣，佢哋追女仔就好地地，萬一個女仔嗒佢糖，佢哋就會欺壓個女仔，即使成為一對亦唔會改變，所以做佢哋女朋友會好冇癮。
喺性事上，佢哋一事無成，若然佢只係個普通正常人，都可以同太太相敬如賓，但萬一畀佢哋發到圍，佢哋就會寄情酒色，過啲淫亂嘅生活。所以做佢哋老婆都幾煩，望佢哋富貴又死，望佢閉翳又死，加上酒色過度，身體自然易出問題，壯年一過便好易百病纏身。