速遞男體盛
人體盛這玩意喺日本已經有好耐歷史，係以前天皇嘅玩意，後期才傳入民間。不過日本係大男人主義社會，做人體盛嘅通常都係女人，但美國一向鼓吹男女平等，所以最近有伴遊公司推出「男體盛」玩意，搞到好多淫娃蕩婦趨之若鶩，仲夾埋幾個姊妹一齊玩添！
色中餓女
呢間伴遊公司一向都有做開男伴遊生意，不過近日有好多女客投訴，鴨仔熟口熟面，冇晒新意，於是伴遊公司靈機一觸，決定搞個「男體盛」玩意，將所有鴨仔重新包裝，配合埋到會食物安排，將叫鴨同到會派對合二為一，仲歡迎幾個客人一齊享用。
咁有噱頭，客人梗係有反應啦！好多大食女已經排晒隊話要玩，聽講預約期已經去到一個月後，正所謂新屎坑三日香，班色中餓女肯定食欲大增啫！