年輕人願意拍AV
大家只要Click上歐美或日本AV銷售網站，都可以見到數以百計嘅三仔推出，當中除咗有知名女優嘅作品外，亦有好多素人AV，呢班素人娘大部分都係十零廿歲嘅後生女，青春活潑之餘，好多仲斯文大方，氣質不凡添！可能大家會問：「係咪真係有咁多後生女去拍鹹片呀？點解佢哋可以拋低道德包袱去拍AV？」當睇完美國一間大型市場調查公司進行嘅調查結果之後，或會明白時下年輕人嘅心態。
該調查就不同年齡層嘅美國男女對性愛有幾開放進行訪問，發現年齡介乎18至34歲嘅受訪男女當中，有42%接受拍鹹片；年齡介乎35至54歲嘅受訪男女有29%接受。至於55歲或以上，則只有19%接受。換言之，後生仔女唔介意下海做男優或女優。調查公司負責人表示，由於依家啲年輕人從各種媒體可以接觸到鹹片，令佢哋對鹹片唔太抗拒，加上唔少名人嘅性愛短片曝光，搞到年輕人以為拍鹹片可以成為做明星嘅捷徑。