最佳交歡日子
早前有一項調查結果顯示，第一次同女仔約會，最好選擇喺星期三，因為約會過後，如果雙方都有意思的話，就會緊接於周末再約會，而周末通常都係大家心情最放鬆，亦係最多節目嘅日子，若然雙方都推晒其他節目，願意出席第二次約會，咁就代表彼此都非常重視對方，大可以更進一步發展喇！至於最佳交歡日子又係邊一日呢？早前美國一個情趣用品商就進行咗一項相關嘅調查，訪問咗1,000名男女，結果發現有30%受訪者表示最佳交歡日子係星期六、22%表示星期五、20%則表示星期日，換言之，大部分男女都鍾意喺周末進行交歡，呢個結果相信都係意料之內。不過，當中亦有14%男女表示鍾意喺星期三交歡，專家分析話佢哋鍾意呢一日，原因可能係佢哋等唔切周末至交歡，而且星期三通常係返工嘅第三日，身體進入最高狀態，精力同性慾亦會較強，而過後則會因為連續工作數日而下降，所以就會選擇星期三進行房事喇！