腳大且薄性能力差
有啲男人龍船咁大隻腳，但腳掌卻好薄，走起路嚟，會有啲唔踏實嘅感覺，原來喺相學上嚟講，佢哋做事喜歡好高騖遠，但往往眼高手低，因而導致失敗，財運上會經常出現破損嘅情況，更會因財失義，搞到身邊一個朋友都冇，生活潦倒。
感情上，當佢哋風光嘅時候，會為深愛嘅女仔一擲千金，令女伴百般寵愛在一身，充滿幸福甜蜜嘅感覺，但當佢哋失意時，則會覺得女伴拖累自己。呢個時候，女朋友做乜都冇用，千萬別以金錢幫助佢哋，你畀幾多，佢哋就可以幫你使幾多。
喺房事上，佢哋一樣係眼高手低，希望自己勁過人、持久過人，但實際上往往比人差，唔係得到女伴全力配合，佢哋根本就唔算係一個合格嘅情人，特別當佢哋潦倒之後，性能力更會大不如前，女伴勉強留喺身邊，只會受氣，唔會有好下場。