世界波：四仔天使瞓身荷里活

好多四仔脫星都希望有朝一日可以去荷里活發展，Lexi Swallow亦唔例外，事緣佢拍咗套四仔版《Charlie's Angels》，好評如潮，搞到佢個心雄晒，誓要進軍荷里活。

阿妹喺四仔界一向有靚女之稱，由於佢畀人讚得多，自以為真係實力超群，可以進軍荷里活發展，但有人就話Lexi未夠班，睇死佢唔能夠成功。

獲邀請試鏡

Lexi表示拍咗5年四仔，感到好厭倦，唔想再日日做愛，一定要作出改變，佢話：「明年就踏入30歲，唔可以再咁樣落去，日日同男優肉搏，我已經覺得好悶，所以係時候轉型。而早前我拍嗰套四仔大獲好評，有荷里活電影公司打電話畀我，叫我去試鏡，如果成功嘅話，我就可以進軍荷里活喇！」

甘願做閒角

其實呢種試鏡機會好多時都發生，不過年中有唔少四仔脫星都係失望而回，所以阿妹一定要有心理準備，費事希望愈大失望愈大。Lexi話：「都知道自己係四仔脫星出身，想轉型唔係咁易，仲要去荷里活發展就更係難上加難，淨係洗底都要用上三、五年時間，不過唔緊要，我又唔係想做女主角，做茄哩啡都冇問題，總之能夠闖入荷里活就得o架啦！」

作品推介

碟名：《Charlie's Angels》

內容：抄足原裝套電影，講述三位美女出去查案，不過次次都查到上大床，同案中人一齊發掘性愛真諦，Lexi就係憑住呢齣四仔，演技大獲好評。

Lexi Swallow's Profile

三圍：34B-25-34

身高：5呎6吋

年齡：29歲