肚臍有痣關心女友
肚臍窿裏面生有黑痣嘅男士，原來有可能係隱形富豪，佢哋個性低調，凡事都收收埋埋，但對朋友超級好，絕對係赤膽忠肝嘅人。如果男朋友嘅肚臍有痣，做女朋友嘅就發達喇，因為你不經意提出嘅要求，佢哋都會記得，仲會時不時製造驚喜。但記住明屈佢哋通常都會失敗，所以要用少少手段，「不經意」咁提及你想要啲乜，通常男友都會好醒目咁雙手奉上。
至於性能力方面，原來肚臍窿有痣嘅朋友，性能力都會特別強，但女士們唔使擔心，事關佢哋唔會粗魯，更唔會為求洩慾而夾硬嚟。佢哋會好注重過程，一定要令女伴開心，佢哋至會滿意，所以做佢哋女朋友或者老婆，真係冇得頂，幸福指數爆晒燈。