唔夠瞓損性能
好多朋友都話我係豬八戒托世，唔係因為我肥，而係我好鍾意瞓覺，放假日子瞓到中午至起身，食完飯後又嚟個午睡。而平日返工，亦會趁一小時嘅Lunch時間，小睡半粒鐘。如果大家同小弟一樣咁貪睡，唔使自責，因為睡眠可以回復精神和體力，而唔夠瞓反而有損性能力o架！
根據美國最新一個有關睡眠與性能力嘅研究結果顯示，睡眠不足會令男人體內嘅睾丸酮素下降，而缺乏睾丸酮素則會減低精力、引致疲倦、降低肌肉力量以及骨質密度，最嚴重就係影響到性趣同性能力。該研究搵嚟美國芝加哥大學10名年齡介乎24歲嘅男大學生協助。學生們於頭3晚瞓足10小時，以助體內睾丸酮素維持或回復正常水平，之後8晚就瞓少於5小時。結果發現，睡眠不足會令睾丸酮素水平下降10至15%，連續8晚如是之後，睾丸酮素水平竟降至低點。所以大家唔好捱夜，要有充足睡眠，先可以保障性能力o架！