奇聞趣事：內地客狂搶性玩具

以為祖國同胞只搶名牌同奶粉，咁就錯喇！原來佢哋連性玩具都唔放過，主要針對日本出品。早前，我同一位情趣用品店老闆吹水，佢話近期已由零售轉型至半批發，零售針對本地客，批發則專為同胞，但批發生意額已遠遠超過零售，所以老闆正考慮摺埋間舖，改做上樓批發。之所以咁好搵，話說有一日，有幾個同胞經過佢間舖時，發現啲性玩具得意又過癮，於是大手入貨，回國後仲繼續向佢落單買貨，家下連呢幾位客仔都變成內地情趣店老闆，而佢就負責提供最新貨源，賺取運費及差價。老闆話：「依家我啲貨都唔係畀本地客買，反而係啲內地客一打一打咁掃走，最暢銷係飛機杯同震蛋。」 老闆食到條內地水固之然開心，問題係本地玩家連性玩具都要被內地人炒貴晒，真係唔知搵邊個投訴好囉！

雞蟲熹簡介

o係色慾界打滾多年o既色途老馬，晚晚都出去蒲，口頭禪係唔滾唔知身體好。

歡迎讀者爆料交流

爆料熱線：3600 6688

傳真：3600 6800

地址：香港大埔工業邨大昌街23號東方報業中心

電郵：happy.sup@org.com.hk