眼大有神 冷落妻房
男人眼睛又圓又大，代表思想靈活，富有魄力，幹勁沖天，而且有膽識，但未必表示佢哋所做嘅工作，一定會取得成功。但如果眼大加埋閃閃發光咁樣，喺相學上嚟講，就代表佢哋有進取心，而且做事水到渠成。
但要注意閃閃發光又同水汪汪嘅眼睛唔同，水汪汪嘅眼睛，望過去係帶有水分濕潤嘅感覺，但閃閃發光則係指眼睛炯炯有神，呢種男人只要畀佢發現目標，就會排除萬難咁向目標進發，永不言退，所以容易取得成功，追女仔亦一樣，會想盡辦法奪得美人歸。
由於佢哋做人做事都比較專注，所以追到一個女仔之後，就會將精力專注喺其他事上，有時會冷落女友，所以做佢哋嘅另一半，就要主動出擊，逼佢哋抽少少時間出嚟關心吓你。只要佢哋肯暫時放下工作注意你，咁樣床上床下嘅生活，都會令你覺得滿足暢快。
