暗器
樂哥係一名資深嘅海關關員，每日都要(目及)住啲過境旅客來來往往，憑佢多年嘅經驗，一眼就可以睇得出，啲旅客身上究竟有冇收藏違禁品，而今日佢就發現一個少婦神色慌張，東張西望咁準備過關。
當少婦與樂哥有眼神接觸時，對方更將頭耷低，樂哥覺得佢太可疑，於是(目及)到實。少婦一出關，果然走向冇人嘅方向，然後伸手入裙底，攞咗啲嘢出嚟，樂哥即時上前大喝一聲：「太太！你做乜嘢？」點知少婦聞聲就逃，樂哥於是一邊追、一邊叫佢將手上嘅物品放低，少婦見快被樂哥追到，於是將手中嘅物件，回身掟向樂哥，剛巧與樂哥頭頂撞個正着。
樂哥伸手一摸，竟見手指摸出血來，佢大叫：「係乜嘢暗器，掟到我頭破血流？」身後嘅同事追前，拍一拍樂哥：「搞到你一頭血嘅唔係暗器，係新鮮熱辣嘅M巾啫！」樂哥：「吓！畀M巾掟過，我以後仲有運行嘅！」