奇聞趣事:日式會所大擴充
最近有國際企業將佢哋嘅日本員工,全部調晒嚟香港,當中約有幾百個家庭,據講仲有好多日資機構會陸續將員工調嚟香港,突然間多咗咁多日本人,難怪呢排銅鑼灣同尖沙咀嘅日式會所生意好到不得了。由於生意好,每晚都爆晒棚,有會所老闆為擴充營業,於是向樓上樓下嘅酒吧埋手,同業主講話出多幾成租金,業主即向酒吧提出加租,酒吧老闆計落為唔到皮,惟有結束營業,而喺酒吧返工嘅拳手都以為要失業,點知畀日式會所全數招攬,有囡囡話佢哋晚晚要扮到隻雀咁返工,雖然唔識日文,但猜枚飲酒難佢哋唔倒,而且日本客最欣賞飲得嘅囡囡,所以佢哋嘅生意額甚高,每個月都有獎金袋,收入比做拳手多幾倍。
皮哥Profile
線眼遍布港九新界,有料就去八,有蠱惑收王之稱,人生目標係八盡天下事。
歡迎讀者爆料交流
爆料熱線:3600 6688
傳真:3600 6800
地址:香港大埔工業邨大昌街23號東方報業中心
電郵:happy.sup@org.com.hk