非常人客

這兩年，被中港澳夜場人問得最多的問題就是：香港人都去哪裏了？對，相對從前，過澳門玩的人少了，上東莞、深圳的也少了，不要以為港人哪裏都不去就會留港消費，連本地夜總會、指壓、骨場從業員都說，這一行是夕陽行業，發達無自己份，肯做的話不一定穩賺，如果遇有甚麼意外的話，蝕本也不出奇。這天我在澳門，跟這位老牌經理聊着，話題又去到這個題目上：「最明顯就係香港碼頭賣套票嘅數字，比以前跌一半都唔止，咁香港客多數都買套票嚟玩，你話唔見幾多？」

他說，幸好這幾年澳門旅遊業發展勢頭大好，多了各地來的人客，他們才沒有被港客的流失所拖垮，然後，我們又聊到一些「非常人客」：「最旺嗰幾間場反而做唔到呢啲客仔！」他神秘的說，原來非常人客指的就是那些娛樂圈中人：「嗰啲形象乖乖仔，甚至畀報紙唱係同性戀嘅，咪一樣過嚟玩！仲有個香港富豪上去幫襯過，嘩！個次大陣仗囉，訂咗間VIP房，由佢班保安先行，檢查過無任何偷拍器材先招呼老細入場。」