編齒男 桃花旺
大部分人嘅牙齒都係上顎一排覆蓋着下顎的，但原來有一類人，佢哋啲牙係上下互相頂住，相學稱為「編齒」，意思係話啲牙好似編織出嚟咁樣。原來有呢種牙齒嘅人，心思十分縝密，頭腦聰穎，志氣不凡，而且貴人運不錯，工作易取得成績。由於佢哋條件好，所以身邊桃花不斷，要令佢哋冇晒桃花，就要等真命天子出現，咁至壓得住啲狂蜂浪蝶。因為普通貨色佢哋根本睇唔上眼，所以佢哋嘅另一半都係啲有本事嘅人，唔係有學識，就係有家底。
由於多桃花，女伴從不缺少，佢哋會比較唔懂得珍惜，你要佢哋自動自覺討好女伴，都應該冇乜可能，但只要暗示吓佢，都會有所表現嘅。房事上亦都一樣，想有快感，一定要同佢哋多啲溝通至得，否則佢哋只會顧住自己享受，而唔理會你嘅感受。