激情枕頭戰

如果大家問我出門期間最掛住屋企邊一件物件，我一定會答係小弟個枕頭，因為呢個軟熟舒適嘅枕頭，令我每晚都酣睡入夢，而當我苦悶嘅時候，仲可以攬住枕頭，幻想自己正攬住一個靚女纏綿。不過，當我睇完早前於美國紐約進行嘅一場枕頭世紀大戰之後，我就發現，原來枕頭仲可以令女人爆發獸性！

狼胎互片

話說早排喺紐約布魯克林上演咗一場激情澎湃、獸性洋溢嘅第一屆枕頭大戰世界錦標賽（Pillow Fight World Cup）。呢場錦標賽吸引到來自美國、瑞典、日本等地嘅男女參與。至於枕頭大戰錦標賽嘅出現，據講係因為有人話枕頭大戰可以紓緩壓力，帶攻擊性，但係又唔會有太大殺傷力，絕對係老幼咸宜嘅運動，所以為幫大家緩解壓力，主辦單位就決定舉行呢個比賽。

比賽嘅時候，雙方手執羽毛枕頭對打，每場比賽分兩個回合，每回合時間為兩分鐘，只要用枕頭打中對手就可以得分，兩回合加埋嘅分數最高者為勝出。比賽嘅時候，一眾女選手真係毫不留情，用枕頭互相毆打嘅時候，又狼又狠，有時更加不惜撕扯對方嘅衫。雖然動作係犯規，但係搞到有唔少露乳場面出現，令場內男觀眾大飽眼福。