百厭仔沖涼
肥言放工返到屋企，見到兩歲嘅寶貝仔小明喺度喊，佢就問老婆美華發生乜嘢事，美華話：「頭先我同小明沖涼，但佢百厭到死，喺度跳嚟跳去，結果唔小心跣倒，咪喺度喊囉！」肥言非常不滿：「你明知個仔咁頑皮，就睇實啲佢啦！」美華本來已經唔開心，聽到老公咁講，即時氣上心頭：「咁由聽日開始，你同小明沖涼囉！」
第二晚，當肥言返到屋企，美華就叫佢同小明沖涼。肥言同小明入到浴室後，就叫個仔乖乖坐定定沖涼。但係小明唔聽話，又跳嚟跳去，當佢得意忘形之際，踩中咗地下舊番梘，小明即一手扶住肥言支炮，先至冇跣倒。肥言忍住痛鬧小明：「好彩你同我沖涼啫！如果你同媽媽沖涼嘅話，今晚你仲唔跣到攤攤腰，問你以後仲敢唔敢咁曳！」