世界波：夢想從政跳艷舞拉票

美國係自由民主國家，人人都有權參選議員，只要有選民支持就得，唔理你係咩背景，所以四仔脫星Krissy Lynn都想轉行從政，仲話要做一個巨乳政客，好有信心獲得選民支持喎！

喺四仔界打滾多年嘅Krissy，一向行巨乳路線，雖然對波唔係大到好誇張，但係都有34D，男人睇見必定心動。而阿妹唔止大波，仲好有大志，佢諗住明年退出四仔界去從政，仲話要跳艷舞娛樂選民兼拉票，如果真係成事，一定吸引唔少男人支持。

野心勃勃

其實阿妹一直都好有野心，入行前做過電影茄喱啡，諗住進軍荷里活，可惜紅唔到，先轉戰四仔界發展，結果畀佢成功上位，喺行內有一定知名度。Krissy話：「我份人一向好有鬥心，唔會因為依家有小小成績就自滿，仲有好多嘢想做，從政只不過係我其中一個夢想，就算唔成功，都一定攞到唔少知名度，對於日後發展其他事業都係百利而無一害。」

受女歡迎

自從Krissy向外界話要轉行從政後，立即人氣急升，仲多咗好多女粉絲支持，呢鋪阿妹未正式參選，都已經贏晒啦！佢話：「係呀！得到女Fans支持，我真係好開心，估唔到我唔單止吸引到麻甩佬，連女人都鍾意我，試過响街撞到女粉絲，佢主動嚟問我嘅Keep Fit之道添，所以令我更加有信心參選議員，到時男女選民都會支持啫！」

作品推介

碟名：《Big Titty City》

內容：呢齣四仔由好多位巨乳脫星演出，其中一個當然係Krissy啦，正所謂有實力唔怕貨比貨，阿妹床戲夠落力，場面精彩，成功搶鏡。

Krissy Lynn's Profile

三圍：34D-25-34

身高：5呎5吋

年齡：27歲