奇聞趣事：分租鳳竇

近日收到風，話有個駐守觀塘嘅鳳姐C以日租形式，將鳳竇分租畀同鄉姊妹搵食，而自己就出外接客，其中一個姊妹話：「佢好醒o架！幫手申請啲同鄉姊妹落嚟，然後將自己個竇以八百至一千蚊分租畀姊妹做生意，而佢就同客人去時鐘酒店爆房，真係賺到盡！」本來分租鳳竇係得鳳姐C一個人做先，後來同區唔少鳳姐見到咁好賺，就有樣學樣分租自己個竇，結果搞到業主再三加租，都係嗰句，你唔租大把人租，令有心搵食嘅鳳姐更艱難，有鳳姐已決定做埋今個月唔做，轉行做骨妹，唔使再捱貴租。租金喪升，令我諗起幾年前已出走到福田搵食嘅鳳姐K，當年佢以幾十萬元喺關口附近置業，趁樓價升後，佢就將物業放盤，然後用賺嚟嘅錢開麵檔做老闆娘，脫離鳳姐行列，當其時我仲以為佢一定坐艇，今日最有前景居然係佢，真係時也命也！

雞蟲熹Profile

o係色慾界打滾多年o既色途老馬，晚晚都出去蒲，口頭禪係唔滾唔知身體好。

歡迎讀者爆料交流

爆料熱線：3600 6688

傳真：3600 6800

地址：香港大埔工業邨大昌街23號東方報業中心

電郵：happy.sup@org.com.hk