長腿露底大神涼子
日本漫畫唔單止惡搞三國歷史出色，玩轉經典童話故事亦有一手，好似改編自人氣戀愛小說嘅動畫《第一次超級童話大戰》系列，就係最佳例子。系列中惡搞嘅經典童話故事包括有《小紅帽》，而今次介紹嘅長腿美少女，就係當中嘅女主角大神涼子喇！
大神涼子嘅原型角色，居然係《小紅帽》中嘅大灰狼，外表粗魯嘅佢，其實係個內心善良嘅少女，佢仲好鍾意小動物添！表裏不一嘅涼子，容貌俏麗，加上一對貧乳，對日本動漫迷嚟講反而別具吸引力。至於呢個大神涼子首辦模型，穿上高衩水手服，更戙高腳展露一雙美腿，呢個甫士夠晒煞食，咁都未算，望真啲，更會睇到涼子嘅小底褲添！咁鬼誘人，試問點可以唔帶佢返屋企收藏吖？
全 高 約215mm
售 價 ¥7,770（約HK$740）
發售日期 預計8月