女人也愛睇鹹片
某日，一位好兄弟去我屋企整電腦，整好之後，兄弟就話：「嘩！肥仔，乜你部電腦入面原來收埋咁多AVo架！好彩你冇女朋友咋，如果唔係畀佢睇到，肯定同你分手呀！」我心諗：「你都傻嘅，如果我有女朋友，就唔需要再睇鹹片解悶啦！」不過，睇完美國一本知名成人雜誌嘅最新調查之後，發現好多女人都鍾意睇AV！
呢本成人雜誌早前進行咗一項有關性愛習慣嘅調查，搵嚟8,002位男性及2,001位女性，合共10,003名男女協助進行，結果發現受訪女性當中，有41%表示家中嘅電腦有收藏三仔、四仔，或者網友自拍嘅情慾短片。而表示有收藏鹹片嘅女性當中，佔大部分為已婚女性，證明咗時下嘅女性唔再咁保守，甚至鍾意同老公一齊睇鹹片添！所以我識到女朋友之後，一定會同佢一齊分享珍藏AV，同時學習吓床技，一舉兩得。