長腳妹 愛調情
好多女仔都希望自己擁有一雙40吋長美腿，配埋三吋高踭鞋，行出街真係全城注目。殊不知喺相學上嚟講，女仔對腳太修長，原來係辛苦相，要終日為口奔馳，勞碌一生，大家睇吓啲模特兒就知道，愈紅就愈要四圍走，真係風塵僕僕。
而且佢哋為咗工作會全情投入，可以唔使停落嚟，所以好多時會犧牲咗愛情生活，除非佢哋肯退下火線，否則都幾難談到戀愛。如果佢哋真係肯放下事業，大部分都會有唔錯嘅感情生活，甚至幸福美滿嘅婚姻。
至於擁有修長美腿嘅囡囡，佢哋嘅床上表現又點呢？原來佢哋好着重前戲，而前戲部分往往喜歡自己做主動，時間愈長愈好，如果男方能配合就最好不過。至於戲肉時間，佢哋就反而喜歡有咁快得咁快搞掂，遇着快槍手男友，就真係天造地設喇！