朋友之患
好多老前輩都話論工作之辛苦度，行船絕對係冠軍，因為一離岸成日都受驚濤駭浪嘅考驗，而且工作繁重，不過最慘仲係要離鄉別井，同家人長時間分別。如果有老婆嘅人要行船就更加慘情。
最近，經過兩年行船工作嘅肥牛終於返到屋企。但係，一入屋就見到老婆阿娟湊緊BB！一怒之下，肥牛就話：「我去行船嘅時候你明明冇大肚o架喎！」阿娟無言以對。肥牛就苦思經手人係邊個。肥牛諗咗一陣之後，就問：「係咪我朋友，牛肉佬阿明做o架？佢成日都話對你呢種賢妻起痰喎。」阿娟搖搖頭。肥牛又諗咗一陣，又問：「係咪我朋友，魚欄勝做o架？佢一向都好鍾意睇人妻鹹片喎。」阿娟又搖搖頭。然後，肥牛連續講咗好多佢朋友嘅名字，而阿娟都一概否認佢哋係奸夫。最後，阿娟亦唔耐煩咁話：「呢個世界淨係得你有朋友咩！」