奇聞趣事：鳳姐難捱貴租

樓價喪升對夜遊界有乜影響？當然係租金啦！本地夜場老闆表示經營困難，加上實施咗最低工資，若然暑假檔期嘅生意仍然冇改善，賣盤或收檔都唔出奇。至於個體戶嘅鳳姐仲淒涼，諗住經濟好轉會生意增多，結果業主猛加租，令佢哋做埋都唔夠畀租錢，而影響最大嘅係一班喺北區搵食嘅鳳姐，一位駐守上水舊區嘅北鳳表示：「開檔3年多，無論經濟好壞，業主每年都會加租，咁都算嘞，自從樓價飊升後，竟半年內加咗兩次租。有報道話內地人炒樓炒到嚟北區，炒完豪宅炒細價樓，家陣連唐樓都唔放過，咁你話啲業主點會唔喪加租至得o架！一年前，我呢間套房月租8千元，依家加到1萬3千元，真係每個月做埋都未必夠交租囉！不過，業主唔會理我哋，若然我唔租，肯定即刻有姊妹嚟租！」難怪北鳳心灰意冷話：「我已去僱員再培訓局報讀保安培訓課程，假如有人請，做『食蕉』仲好啦！」

雞蟲熹Profile

o係色慾界打滾多年o既色途老馬，晚晚都出去蒲，口頭禪係唔滾唔知身體好。

歡迎讀者爆料交流

爆料熱線：3600 6688

傳真：3600 6800

地址：香港大埔工業邨大昌街23號東方報業中心

電郵：happy.sup@org.com.hk