武漢車模露得多

上個月內地有兩個盛大嘅車展舉行，一個係月頭嘅上海車展，另一個就係月尾嘅武漢華中車展，兩個車展都有唔少廠商參加，而網友最關心嘅當然係有份出席嘅車模啦！既然兩個騷咁類近，給看官比較在所難免！

未開騷前，絕大部分嘅網友，都比較期待上海車展，因為上海係大城市，參展商理應落重本邀請模特兒，而模特兒亦會因為交通方便，而選擇出席上海嘅車展活動。但最終嘅結果竟然令人大跌眼鏡，網友一致都話武漢車展嘅車模比較優勝。

花多眼亂

點解會出現咁嘅賽果呢？內地網站報道，上海車展嘅車模，全都以大堆頭大製作為主，啲車模一出就十幾人，令網友花多眼亂，睇唔到當中有乜嘢出色嘅美女，而且一玩大堆頭，難免有啲成員係濫竽充數，以致整體質素被拉低，令網友大失所望。

而武漢車展就唔同，佢哋會將焦點集中喺一、兩位代表公司嘅車模身上，所以個個都係精挑細選嘅靚女，加上公司將所有資源都放落佢哋身上，所以無論髮型，化妝同埋衣服，都令佢哋嘅樣貌身材得到充分發揮，令網友留下深刻印象。

而且有網友話唔知係咪上海嘅展館空調太強勁，所以囡囡好多都着到密密實實；相反，武漢呢邊冷氣冇咁凍，所以九成囡囡都着得好性感，單係囡囡露咗幾多？就已經可以決定勝負啦！