一吻止痛
阿信同可兒拍住拖去老人院當義工，兩人正探訪一對老伯伯同老婆婆時，可兒突然「呀」一聲叫咗出嚟，阿信好緊張咁問：「發生咩事呀？」可兒回答：「我隻大牙好痛呀！」阿信安慰：「放心！錫一啖就唔痛o架喇！」可兒發嬌嗔：「真係嘅？」阿信笑道：「唔信試吓！」隨即喺可兒牙痛嘅位置錫咗一啖，阿信問：「感覺點呀？」可兒高興話：「真係唔痛喎！」老婆婆見狀就話：「靚仔，我個頭都好痛，你可唔可以錫我一啖呀？」阿信猶豫：「咁呀……」老婆婆催促：「快啲啦！我個頭真係好痛呀！」可兒示意阿信照做，於是阿信喺婆婆嘅額頭錫咗一啖，老婆婆好開心咁話：「畀靚仔錫一啖，真係冇晒頭痛啦！」此時，老伯伯話：「我身上都有個地方好痛，你快啲錫我一啖，等我唔使咁辛苦啦！」阿信就問：「伯伯，你邊度痛呀？」老伯伯指住下半身話：「我啲痔瘡痛呀！快啲錫我屁股啦！」