性愛萬靈藥
有關兩性話題嘅書籍，台灣真係出咗好多，好似最近又有一本推出，而作者就係台北醫學大學醫學系專任教授鄭丞傑醫師。Dr.鄭喺台灣可算係兩性方面嘅專家，經常上電視節目，為人解釋兩性問題嘅種種成因同埋治療嘅方法，深受台灣觀眾歡迎。
不過，Dr.鄭既然係醫學教授出身，本書嘅內容會唔會好學術性呢？大家大可放心，因為佢上節目時十分搞笑，加上反應快，好多時女主持都畀佢搞到面都紅晒，而佢最近出嘅呢本書，亦唔係只從醫學角度去探討兩性問題。佢會從社會角度、傳統文化中出發，總之取材千變萬化，保證你睇得過癮。加上用字淺白、文字抵死，所以呢本書一推出就大獲好評，家陣香港一啲網上書店都有得賣，大家不妨買本看吓門口，話唔定真係對你嘅性生活有幫助o架！
書 名：《性愛是萬靈藥3．性愛趣談》 作者：鄭丞傑
出版社：元氣齋 售價：約HK$60