奇聞趣事：鳳姐買名牌包保值

最近有個舊相好約我敍舊，於是上咗佢嘅香閨，一輪浪漫之後，發現佢一屋都係名牌手袋，原來佢近年將賺到嘅錢，全部攞晒去買名牌包包，佢解釋唔係自己鍾意名牌，而係可以保值，佢仲話啲包包一共買咗十幾萬元，但家陣計吓數，呢啲包包應該市值超過廿萬元，可以賺到6、7萬元。我問係咪咁好搵？舊相好就話：「本來我對名牌包包一啲都唔認識，但前幾年路過間二手名牌專門店，於是入去睇吓，聽啲顧客話買名牌包包可以保值，如果嗰排手頭緊，又可以攞啲手袋套現，到有錢嗰陣，亦可以嚟買返，最重要就係可以袋換袋，好似樓換樓咁，即係將自己嘅包包出售，然後買一啲保值潛力更高嘅包包，由於咁多利好因素，於是激發到我買名牌手袋嚟保值囉！」估唔到舊相好又幾有搵錢頭腦喎！

雞蟲熹Profile

o係色慾界打滾多年o既色途老馬，晚晚都出去蒲，口頭禪係唔滾唔知身體好。

歡迎讀者爆料交流

爆料熱線：3600 6688

傳真：3600 6800

地址：香港大埔工業邨大昌街23號東方報業中心

電郵：happy.sup@org.com.hk