援交搵學費
少女援交問題日趨嚴重，有人表示無論於任何情況，少女賣身畀男人都係唔應該；亦有人表示，少女收錢同人上床，期間好容易遇到變態佬或者其他形式嘅暴力對待，人身安全大受威脅。另外，亦有人話時下少女唔應該為錢而賣身，叫佢哋咪顧住享樂，任意揮霍。
而相對於德國，香港嘅少女援交問題只係小巫見大巫，較早前德國柏林一間研究中心訪問咗約3,200名當地大學生，結果發現當中有30%嘅學生表示會考慮投身色情行業或援交，比起分別於巴黎（29.2%）以及烏克蘭（18.5%）同類訪問結果更高。另外，調查結果仲發現當中有4%嘅大學生已經從事色情行業，例如援交、跳艷舞以及網上裸聊等。點解柏林大學生會咁開放呢？據研究中心嘅負責人表示，原因係當地進行教育改革之後，學生嘅上課時間同功課壓力都大為增加，令佢哋少咗機會做兼職搵錢，加上學費昂貴，令唔少學生經濟出現困難，不惜從事色情行業搵快錢賺學費囉！