兩眼開闊易受誘惑
眉頭兩邊寬闊，代表器量大，但如果兩眼距離寬闊，則係指容易受人引誘，嚴重嘅仲會誤入歧途。而囡囡就會容易畀男人欺騙，失身失金，點解兩眼距離開闊會容易受人引誘呢？主要原因係佢哋嘅眼光向兩邊發展。
正常人視線集中向前，要行咪向前行囉，但雙眼開闊嘅人，視野開闊，選擇嘅路自然多咗，但佢哋又唔識得為自己決定方向，所以一定要靠人提點，至會下定決心去做。如果遇上好人，當然點條明路佢哋行；但萬一遇人不淑，咪碰得一鼻子灰囉！
感情方面，兩眼開闊嘅囡囡，身邊不乏異性，但可以真正開花結果嘅，只得好少。唔係佢哋識親都係登徒浪子，而係佢哋經常受唔住誘惑，不斷喺男人叢中打滾，好男人仲唔走頭咩？性事方面係完全開放型，男人想點都得，好得男人歡心o架！