Penny Mathis揼本護奶

做狗好過做人？吉隆坡有企業家月花12萬港元養30隻藏獒。據報主人每日用冬蟲草、牛奶、維他命及搵專業團隊負責飼養，認真巴閉！最架勢係身價過億嘅藏獒絕不放售，難怪網民話下世投胎做狗好過囉！

月花過萬保養

之不過脫星Penny Mathis就唔多認同，阿妹覺得做人凡事要靠自己，若然要得到社會認同，就更需要執到正一正。以佢為例，每個月花喺咪咪上嘅使費，閒閒哋過萬港元，一年埋單都12萬，假如畀你揀，養佢定養狗好呢？

可惜Penny Mathis唔輪到你同我養，之但係我好有興趣了解，阿妹為乜使咁多錢喺對咪咪度呢？與其最終都敵唔過歲月催人老嘅命運，不如用啲錢嚟買磚頭投資咪仲有保障！

Penny就認為每年花咁多錢喺對咪咪度，所付出嘅不止賺得番，就連名氣都可以賺埋。以佢出道2年多嚟計，齋剝唔上床，賺到嘅都拍得住一線脫星，阿妹話全靠佢保養得宜。原來Penny除咗拍寫真外，閒時仲做埋內衣模特兒、行內衣騷；拍廣告做埋「胸模」替身，總之有需要咪咪演出嘅，業界都事必會諗起佢，因此Penny萬萬聲護胸，對阿妹嚟講只係濕濕碎。話時話，Penny應該索性為大奶買重保險，有乜伊郁都可以索償吖嘛，唔係到人老珠黃仲邊有咁多閒錢保養呀？