飛來艷福之祝你好運

小文以為少女是那些喜歡玩一夜情的人，對於自己的提問當然不作回答，既然是這樣，小文也不再苦苦相逼，反正自己有着數，一夕風流足以令他回味。兩人若無其事地離開了廁格，道別之後各自向反方向走，這種瀟灑令小文多了一分自豪感。始終男人總喜歡向朋友炫耀自己的風流史，這晚的奇遇，足以令他攞盡彩頭，兄弟們一定對他既羨且妒。他一邊想，一邊陰陰笑，很想快點約班老友出來吹水攞威。

盡情炫耀

小文這晚睡得很甜，第二天一早醒來，就約了一班老友，收工後到酒吧吹水。好不容易捱到收工，小文帶着興奮的心情赴約，準備一見老友就盡情爆料。怎知他一去到酒吧，就發現幾個老友圍埋一齊高談闊論，好像有些大事發生了，於是一坐下就問他們：「咩事咁緊張？」其中一個老友回答：「你唔知咩！最近尖東海旁出現咗個神秘少女！」小文一聽到就開懷大笑：「我點止知道呀！仲親身試過添！」老友們立即好大反應：「吓！」

晴天霹靂

「吓咩啫！我今日約你哋出嚟就係想同你分享吓，條女不知幾正，仲肯玩中出，令我鬼咁回味！」三人又再齊聲大叫：「吓！」跟住三個人互相對望，露出十分驚慌的表情。小文終於覺得他們有些不對路，於是問他們：「有唔妥咩？」三人再對望，面有難色地開口：「你真係唔知？」「知道咩？」「嗰個神秘少女其實已經出現咗3個月，我有個老友曾經同佢一夕纏綿，之後去驗血發現中招，所以我哋已經提醒過好多老友唔好中計。」

小文如被當頭棒喝，面無血色地問：「佢中咗咩？最多都係性病啫！有得醫嘅！」老友們各自拿起酒杯低頭飲酒，不想回答他的疑問。小文看見他們的反應，立即冷汗直標，急問：「唔係愛滋呀？」三人又再對望，齊聲說：「祝你好運！」（完）