奇聞趣事：出埠淫

有報道指一名港熟女受20萬元利誘，出埠獅城三日玩3P，願意打真軍再加5萬銀，肉價非常吸引，但最終當事人收唔到肉金，被人騙色。類似事件原來並不罕見，有鳳姐對我雞蟲熹爆料，話不少客人經常向佢哋提出陪遊要求，有經驗嘅囡囡都會拒絕，但新入行嘅往往受唔住利誘而中招，鳳姐話：「通常啲客人會話嚟香港做生意，然後叫我哋陪佢返內地玩幾日，由3至7日不等，開價萬萬聲，的確係好吸引。但我話你知，呢啲10個有9個都係呃人，佢哋畀咗一成訂金後就會走數，所以真係做唔過！」鳳姐表示，呢啲客人第一次嚟幫襯時，例牌話係朋友介紹，享受完服務後就會主動提出陪遊要求，若然囡囡答應，就約定第二日喺關口集合，到酒店後客人先畀一成訂金，跟住就即時上床，搞到不見天日，第二日瞓醒就人間蒸發，手機都停埋！所以奉勸各位姊妹切勿貪小便宜，否則人財兩失！

雞蟲熹Profile

o係色慾界打滾多年o既色途老馬，晚晚都出去蒲，口頭禪係唔滾唔知身體好。

歡迎讀者爆料交流

爆料熱線：3600 6688

傳真：3600 6800

地址：香港大埔工業邨大昌街23號東方報業中心

電郵：happy.sup@org.com.hk