Anna Lovato專晒美腿

做人最緊要知碇，若然識得加以利用，就肯定有運行！好似脫星Anna Lovato咁，人人都讚佢索爆，但當事人知道美貌不能長久，相反個人標記至可以長久吸客，於是佢賣弄最值租嘅雙腿俘虜人心，抵讚！

包裝一絕

如有留意Anna Lovato嘅演出，幾乎可以肯定佢鑊鑊都大晒長腿，仲要唔係踢條腿出嚟就算，而係經過悉心包裝，因此每次都非常養眼，令人眼前一亮。好似早前阿妹愛上玩絲襪，所以嗰期寫真就係咁推出絲襪造型照嚟滿足大家；到近期天口慶，Anna唔再着絲襪，取而代之係超高腰T-back配高踭鞋，此舉可令雙腿顯得更修長，看官們更感興奮！

影迷更笑言，他朝有日阿妹引退，可進軍幕後替脫星做Styling，搞形象突出脫星優點喎！但一講到引退，Anna即時火都嚟，事關80後嘅佢，話老唔老，話後生又唔算，正處於尷尬期，雖然講者無心，但聽者有意，Anna誤以為影迷叫佢收檔，大動肝火一啲都唔出奇！

另外亦有指Anna咁易動氣，全因佢為人好小氣，行頭傳佢只許人讚不許人彈，即使攝影師要求佢換個甫士都唔鍾意，咁嘅態度都企得穩？冇計啦，鬼叫佢條長腿咁正，幫公司搵大把錢咩！