大賣偷拍Feel
雖然我哋對於藝人，特別係靚女藝人最私人嘅一面非常感興趣，不過我哋作為一個頂天立地嘅男子漢，唔應該好似下流傳媒或者變態偷拍狂咁，專門安裝隱蔽式攝錄機，偷拍女藝人換衫。之但係，要了解女藝人最性感、最私人嘅一面亦有辦法，例如欣賞一下青春活潑、兼且性感火辣嘅日本女藝人柏木美里最新一輯嘅寫真DVD。
今年27歲嘅柏木美里身高5呎5吋，三圍34-23-34，身形高挑，充滿曲線美，令美里能夠進身為賽車女郎，後來亦做埋水着女優。成名之後嘅美里，近期同三位水着妹，包括瀨長奈津實、松本麻實、矢代梢合組女子組合「MP4」勇闖樂壇，令人氣再度提升。
可能美里都知道自己人氣高，有機會畀狂迷偷拍，所以最新一輯嘅寫真DVD《放送禁止》入面，決定予狂迷們一個求仁得仁。除咗展現性感火辣造型，以及意識大膽嘅動作外，仲特別加插一段疑似偷拍換衫片段添！好此道者不妨支持支持喇。