日女肉食化
肉食女在戀愛上勇於示愛，甚至連親密行為都採取主動出擊嘅態度。日本最近有一個調查報告，發現日本女仔漸漸變得肉食化，即係行為同思想愈來愈開放。話說早前日本一本雜誌發表一份來自日本性教育協會嘅「全國青少年性行為調查報告」，結果發現有62%嘅女大學生及30%女高中生已有性經驗，而兩者比率分別比1999年進行嘅相同調查增長10%及6%，所以專家話日本女仔愈來愈開放同早熟，亦漸漸肉食化！
對於日本女仔開始肉食化嘅趨勢，該雜誌訪問咗啲市民，當中有人表示原因係道德觀念日益薄弱，亦有人話以現時日本女仔嘅開放程度嚟睇，有62%女大學生有性經驗，其實比率相當低咁話喎！
諗諗吓真係蝕底，早幾年，小弟仲在學嘅時候有機會去日本大學做交流生，可惜當年因為顧住日蒲夜蒲，因此冇去到，如果唔係，我應該可以食唔少日本菜喇！