男人喜歡裸拍
潮流興自拍，男男女女亦如是，有啲甚至自拍裸照添！佢哋喜歡自拍裸照嘅原因各異，例如對自己副Body非常滿意，於是影番輯裸照留念。
最近美國一本知名成人雜誌以自拍裸照或性愛短片嘅題目，進行咗調查，結果得到一個有趣嘅發現，原來受訪嘅男士當中，有27%試過自拍裸照，有15%試過自拍性愛短片。至於受訪嘅女士當中，試過自拍裸照則有23%，自拍性愛短片就有9%。呢個結果話畀大家知，原來男人比女人更加鍾意自拍裸照，亦證明男人較女人更加迷戀自己嘅身體。而小弟亦終於明白，點解每次瀏覽美國成人網站，都會有咁多聲稱有大量自拍性愛短片同裸照嘅成人收費網站嘅廣告，原來佢哋真係不乏「貨源」。