夜半裸客
肥牛係一個夜更的士司機，大家都應該知道，揸夜更的士最容易就係遇到奇怪乘客同怪事，而今晚肥牛就遇正一個麻煩女乘客喇。肥牛揸的士經過一條酒吧街，見到有一名打扮艷麗，但係飲到醉醺醺兼腳步浮浮嘅醉娃。雖然肥牛都唔係咁想接呢類醉酒客，但係拒載又於理不合，而且一個女仔半夜喺街容易出事，最後肥牛都係畀醉娃上車。
醉娃上到車之後就話：「唔該載我去銅鑼灣××大廈。」肥牛一路開車嘅時候，醉娃就話：「好熱呀！」講完之後就開始剝衫，每剝一件，就將該件衣物掉出車外，最後醉娃剝到一絲不掛。肥牛見到之後，將的士停埋一邊，然後擰轉頭望。望勻晒醉娃全身之後，仲有三分清醒嘅醉娃就大喝：「喂！你望夠未呀？信唔信我報警，告你用雙眼非禮我吖喇？」肥牛聽到之後回應話：「我報警至真呀！睇你全身上下都唔似有地方可以袋住啲錢，你一定係想坐霸王車啦！」