肩膊有痣有苦自知
男人肩胛骨凹陷嘅位置，如果生咗粒黑痣，原來好大鑊。相書講肩膊係代表男人嘅負擔，冇癦冇痣都已經有千斤重，如果不幸生有癦痣，就代表呢個人嘅重擔會百上加斤，收入一定係入不敷支，搵朝唔得晚，時常都會經濟拮据。
而且工作上問題亦會十分多，份工往往都唔係自己願意做嘅，而且收入低微，認識嘅朋友亦都係物以類聚，想識個有錢啲嘅朋友都難，而且家庭支出好大，經常有突如其來嘅開支，令生活十分艱苦，但優點就係家庭觀念特別重。
所以佢哋一係搵唔到女友，一搵到就會同佢同甘共苦一世，兩人一定會白頭到老。性慾方面由於有氣有力都會用嚟搵食，所以性事方面唔會太強，加上有啲自卑感，一般唔會主動求愛，做太太嘅一定要主動啲，咁就冇問題！